سخر رواد موقع التواصل الاجتماعي "فيس بوك" من قفشات المعلق الرياضي محمود بكر، ومن أطرف إفيهاته التي لا تنسى قوله: "اهاهاها واللى كان بيشرب سيجارة فى البلكونة ولسه جاى أحب أقوله إن شِكل المباراة اتغير خالص".

وتقمص النشطاء دور المعلق الساخر محمود بكر أثناء إذاعته المباراة، وذكروا أشهر تعليقاته الكوميدية.

وقالت "Aya YakOo": "قاعدين بقالنا ساعة ولا كوباية شاى ولا بسكوتين الناس بتاعة البوفيه ناسينا خالص انهاردة واحد يقولى شاى ايه وبسكوت ايه يا عم انت ع الهوا انا بس بشرحلكو احنا بنتعب ازاى والناس بتاعه الاعداد لسه محدش جابلى اسامى البدلاء وواحده كدة من باسم يوسف على غفله هاهاهاهاه جوووووون وانا بتكلم ف البسكوت كده".



وأضاف "Taha Mohamed": "واحب اشكر وزير الصحة على اللى بيعمله هاهاهاهاه وادى جول.. وفى شوية رمل فوق كوبرى اكتوبر ياريت نشيلهم".



وتابع "Ahmed A. Skr": "المونيتور باظ والسماعات باظت ومحدش بيرد عليا من الناس اللي معايا يا برجاوي انت روحت فين".



فيما كتبت "Amal Salem": "واحد يسألني هوا ليه الحكم محسبهاش هقوله النهارده المحور كان واقف بسبب ان عربية زيت اتقلبت ع الطريق".



بينما علق "Sameh Refaat": "واللعيب ده بيدي كوبري حلو كدة زي كوبري قطر محطة سيدي جابر عند استاد اسكندرية فيه بوليعة مفتوحة يا ريت المسئوليين يقفلوها ".



وأردفت "Esraa Soou": "واحب اشكر وزير الصحةعلي مجوداتة العظيمة واللي واقف في البلكونة بيشرب سيجارة احب اقولوا اطفي السيجارة وادخل الاهلي جاب جون".



واستطرد "Ahmed Elsobky": "ياسلام على ده جون اه دى اعاده معلش هههههههههه".



وذكر "Walid Bono": "والكوره تعمل بنض وتغير اتجاهها ودا بيفكرنى بالحفره اللى شوفتها فى الطريق وانا جاى ياريت المسؤلين يشوفو الحفره دى".



وعلق "Mohamed Samy": "والله المخرج ده عليه شويه حركات انت يابنى هاتلنا الصوره يعنى لا صوره ولا اسماء ولا صوت الملعب ومقعدينى فى الدور التالت حاجه تزهق".



ويعد الكابتن محمود بكر من أحسن المعلقين المصريين بل والعرب أيضاً.

اشتهر بالتعليق الظريف خارج النص وقفشاته المضحكة بدون تكلف ولا مبالغة. كما تميز بالحياد.

وأسلوب محمود بكر في التعليق باستغلال خبرته العريضة لتحليل مسار المباراة وشرح بعض التفاصيل الفنية للجمهور أثناء ذلك كخطط اللعب والتكتيكات المستخدمة في التطبيق. ولما كانت لغته سهلة على الجماهير اكتسب شعبية طاغية.



ولبكر عبارات خالدة في تاريخ التعليق منها الجملة الشهيرة: "عدالة السماء تنزل على أستاد باليرمو"، في إشارة لاستحقاق المصريين لإحراز هدف التعادل أمام هولندا في مباراة كأس العالم 1990.


مصر العربية

0 التعليقات:

Post a comment

 
الحصاد © 2013. All Rights Reserved. Powered by Blogger Template Created by Ezzeldin-Ahmed -